لو تسمحى..

لو تِسمحى،ممكن نظره؟

تضيَّع التوهه المُرَّه؟

تبُصّ لى بالنور مَرَّه؟

ده انا روحى فى الليل مكسوره..

=2

لو تسمحى،،ده احنا زمايل

وحظِّنا..زيِّنا ..مايل

على زماننا بتحايل

ننجح.. ونصبَح فى الصوره

=3

لو تنظُرى لى بنظرة آه..

عِطرِك فى قلبى ..باتوضَّاه

عينيكى اقول إيه غير: الله

صَبَحِتْ قصيده مسطوره..

=4

زىّ السما عينيكى الغِنوه

مغَيَِّمه..لكن حِلوَه

غيومها وهمومها بتِهوَى

ودموعها فيَّا..محفوره

=5

أنا مش وِحِش..للدرجه دى

وكمان مانيش عاشق عادى

ساكت ..ودمّى ..بينادى

ودموعى جُوَّايا نافوره

=6

أنا مش وِحِش...إسألى عنّى

ياما فيه شباب أوحَش منّى

وبيمشوا مع أجمل ..منِّك

طب ليه شفايفِك، مغروره؟..

=7

لو تسمحى،،محتاج لحنان..

ونِفسى أرتاح م الحرمان

قلبى أنا..شفَّاف..شفَّاف..

بللور..كريستال..بنُّوره..

=8

محتاج اقول: حُبِّك فيَّا

عينى عليكى ..مضوِّيَّه

عينى فى بُعدك مطفيَّه

أرجوكى (رُدّى) ياأمُّوره..

=9

محتاج اعبَّر لِك عنِّك

واخلّى صوره الروح مِنَِّك

سِنّ الورورد يِصْبَح سِنِّك

وتِبقِى ملكه...بالشورَى...



12/9/1993

8 مساء الأحد

بعد امتحان التعليمى