الأغنيه البحريّه

==1==

فى عينيكى بحر كبير..دافى

عوّام وإيديّا..مجدافى

باغطس وباقِبّ ولاالسَمَكه

باجمع فى جواهرى وأصدافى

==2==

نورك على بحر العين طافى

نور..يحرق بالمَيّه مَطافى

بحر عينيكى اصطادنى فى ثانيه

وخطفنى كُلّى..بخُطّافى

==3==

لابس جسمى وقلبى..حافى

بيمُرّ زمانى زحّافى

سبّاح وباسَبّح بالخلّاق

وباشوف فى عينيكى أوصافى

==4==

غوّاص انا..طب ليه تخافى؟

بحرك زىّ الضىّ الخافى

أنا(ضُفدع بَشَرى ) فى عينيكى

باتنفّس من غير هوا..(متعافى).

==5==

جوّايا ..إنتى بتتشافى

من أىّ جروح بحرك شافى

أنا حاسس ْ إنّى خفيف جداً

بقى رُبع جرام..وزنى الصافى..

==6==

البحر لعينك مش كافى

عينك الأصل وهوَّ خُرافى

لو عُمرى خِلِصْ فى العوم يارب
 هاطلُب منَّك وقت إضافى...

====

قصيدة من الزمن البعيد

بدون تاريخ

من أيّام الكلّيّة

أوائل التسعينات ( تقريباً