زم
اعيش،والموت يتأكِّد إن انا عايش
لازم
اعيش وأخلّى الموت نفسُه
يصبَح
عايش
أبيض
شَعرى
لكن
قلبى لِعَبى وطايش
لازم
اخلِّى الياسمين الاسود
يرجع
زىّ ماكان واحسن
لازم
اخلّى زفت الأسفلت
أبيض
زىّ الفُلّ
لازم
اكون فووووووق فوووووق
لازم
اعيش
طول
ماالهوا لسَّاه عايش
لازم
اخلّى الفجر يطُلّ
واعلَى
واعلَى
ويبُصّ
عليّه الكُلّ
أنا
راجع لشبابى الضايع تانى
راجع..راجع..
بكره
هاجيب النور المقطوع تانى
وضلام
الليل هيكون ساطع
والإرسال
بعد ماكان مقطوع
أنا
راح ارجَّع صورتُه تانى
راجع
..راجع..
لازم
اخلّى سكوتى مسموع
وافرح
الفرح
ماهوش لاحرام ولاممنوع
هاضحك
واتنطَّطْ
واتعفرتْ
وهانُطّ
الحبل..
وهاكون
أشطر،لاعب فى السيرك....
هامشى
على جمر النار حافى
هامشى
على ميِّة نهر النيل حافى
هامشى
ع السِلْكْ..
بُكره
هنسّى الحُزن بُكاه
وهنسّى
عينيّا طعم الدمعه
أنا
يامابكيت فى الضلمه لوحدى
عطشان
زىّ الصبّار
وواكِلنى
الجوع..
يامابكيت
ولاحدّ رَحَمْ
وهاتى
يادموع
هامشى
فى طريقى
واللى
يحاول
إنهُ
يوقّفنى
مش
هارحم
طعم
السِلم جميل فعلاً
لكن
طعم الحَرب ألذّ وأطعَمْ
قلبى
مولّع زىّ الجمره
وضلوعى
زىّ
التبغ المحروق فى السيجاره
هاقعُد،
وامشى،
واجرى،
وأصَلّى
ساعات
وساعات
أسكر فى الخَمّاره...
أنا
أقدر اخلّى خيالى
واقع..
أقدر
اخلّى الجمر شفايف
أقدر
اخلّى البار....جامع...
بكره
هاخلّى الورد الأحمر
يضحك
ويسَمَّع زغاريتُه
بكره
الشمع لوحده يولَّع
من
غير نار من كبريتُه
بكره
سيجارتى
هتِلمس
شفايفها
تِوْلَع
باللمس
والدُخّان
يبقى زىّ سحاب الشتا
يِرسِم
عفاريتُه
بردان
حتى وانا فى عِزّ الصيف
لكن
مش حاسس بالخوف
ومعايا
سيف..
عُمرى
فى يوم مانسيتُه
بكره
الغيب يستفسر منّى عن المكتوب
بكره
هاقول لُه :
لأ
ماعرفشى،،
اللهُ
أعلم
واللى
يحاول إنه يوقّفنى
أنا
مش هارحَمْ
بكره
هاحِبّ ،وأسكُن قلب اللحظه،
وادُوب
عُمر
الحُبّ ماكان بالسِنّ
وانا
لسّه يادوب
خارج
م السِجن...
عايز
أرسم صوتى..
على
ورق الأشجار
وأخلّيها
جواهر،حَبّات الأمطار
كلّ
شىء فى الكون وراد
أنا
واحد
لكنّى
كتير جداً
عُمرى
زهره
ودموعى
اللى كانت مَطَره
نِشفِتْ
راح
انُطّ لفوووووووق
واقطُف
أحلى نجوم فى الليل
والعَب
تمارين
واتشقلِب
وادخُل
قلب الحرب وأغلِب
وعلى
قزاز السما الازرق هاكتِب
شِعر
ماحدّش فى الكون كتبُه
أنا
حِلمى كبير،وكبير،وكبير
أنا
عايز اطير
مش
زىّ العصافير
لأ
زىّ
النِسْر
عايز
اخَلّى حبيبتى فخوره
بيَّه
وحبيبتى..مَصر..
آه
أنا واحد
روحى
اللى فى جسمى
مش
مخفيّه
لكن
ظاهره
آه
أنا واحد
ولوحدى
وجُوّايا مظاهره
هادى
لكن
قلبى مليان ثوره...
إحساسى
بيلسَع زىّ الجَمره
عمرى
ماهاموت
عمرى
ماهاموت
ولاهافنَى
ليوم الدين ياشِعر..
على
مين ياموت؟
ده
انا خالد.....
21/9/2014
الواحده
من صباح الأحد.
ليست هناك تعليقات:
إرسال تعليق